時間：1999年8月15日‧地點：西貢‧人物：阿細

我表姐上年嫁o左畀個元朗人，搬去元朗住。有晚佢開夜，到十一點幾先返屋企。晚冇咩人入元朗，小巴司機等o左好耐先見有兩三個人上車。我表姐因為倦，佢一上車就開始覺。

點知佢夢見有隻小鬼搞佢。隻小鬼仲扯住佢衫同佢講，「姐姐，你同我玩o勒！」佢好驚，醒o左，但係迷迷糊糊望見有個男仔坐o係佢隔籬，佢又繼續返。返到屋企，佢覺得好倦，就同老公講話唔沖涼就上床覺。但係到半夜，佢畀聲音嘈醒。佢睜開眼睇，見到有個男人o係佢身邊，但係個男人o既樣並唔係佢老公。時佢好驚，因為個男人塊面好青。仲有一陣好似腐屍o既氣味。阿細好驚，想叫又叫唔到，佢終於闔埋眼唸經。

冇耐佢聽到開房門聲，自己亦可以郁得，佢就即刻擰轉面睇係邊個。原來真係佢老公。時已經冇人o係佢身邊，佢好驚咁同佢老公講：「正話我見鬼！」佢老公雖然信佢，但係當冇事發生，仲開玩笑咁講：「又冇咩損失，鬼又點o者！怕佢有牙！」

事情發生後o既三、四個月，有日表姐忽然發現自己有o左。有次佢又係搭小巴返元朗時，竟然見到坐o係佢身邊o既男人同晚佢見到o既一樣。個男人望住佢，木無表情，但係佢已經成身打冷震，個肚亦開始有痛。佢打手提電話畀佢老公叫老公o係村口接佢。佢一落車，已經痛到講唔到o野。到佢老公o黎到時，即刻送佢入醫院。醫生證實個ＢＢ已經唔得。

表姐梗係好傷心。但係佢見到o係小巴度坐o係佢身邊o既男人o係門口經過，表姐望o左佢一眼。佢即刻同佢老公講，佢老公叫佢多休息。不過佢見到「o野」呢番話，畀o係佢床邊個老女人聽到，個老女人o係表姐丈夫走o左之後，忽然間問表姐：「你正話見到個唔係人o黎！你知唔知呀！」

表姐好驚，呢個女人話：「你額頭好黑，唔好著咁多黑色衣服！鬼易上身！」

我表姐住o左兩日醫院就出院。個女人笑住同佢講：「你生唔出個係鬼仔o黎，你返去之後，記住同佢做返場法事，等佢唔好再纏住你。」

我表姐因為已經畀鬼怪嚇怕，所以寧可信其有，真係花o左幾千蚊做o左場法事。

李終貴按：終貴有個同事，佢阿媽o係早年亦傳過懷鬼胎，不過傳出時佢阿媽已經50歲，幾乎係已經收o左經！由於驚真係生出o黎時ＢＢ會低能（聽聞年紀大生出o黎o既ＢＢ弱智機會好高），所以已經叫定醫生同佢落仔。但係個西醫同佢話：「你根本冇ＢＢ！」佢已經十五十六唔知點算好。

最後佢聽個三姑講o係屋企放盆水，點一支壇香，仲教佢唸o左幾句咒語咁，點知佢見到煙好似個人仔咁o係佢面前現形。個人仔同佢講：「你點解唔要我？」原來佢未結婚前曾經有過ＢＢ，時只有15歲，佢自己去落o左個仔。估唔到事隔幾十年個仔仲返o黎搵佢，佢係希望投胎做人。因為呢件事個法師話佢罪孽重，要食長齋戒殺生。佢亦由時開始食長齋。