今年２月阿公过世，我从加拿大回港参加葬礼。我由大约12岁便举家移民，每年会回港探阿公，大家感情几好。 但我认为死系好自然的事。唔知点解阿公过身，一滴泪都冇流过，反而对出殡仪式一切都非常好奇。曾多次参加别人的葬礼，但冇估过以家人身份出殡有咁多仪式。

由出殡、饮解秽酒、上山、食英雄饭，样样做齐。 不过怪事接踵，相信就发生在守夜当晚。我迟到，自己搭的士赶去殡仪馆，一上车，重复多次，的士大佬都听唔清楚目的地，仲口口声话「唔老黎，唔老黎」，一直鬼食泥的到我落车，仲话唔畀我响正门落。心谂「使唔使咁？」 到达殡仪馆，馆内很多灵堂，仲好寒好阴，一D血气都冇，四周场内工作的人又瘦又面色苍白。就算冇事发生，都会疑心心暗鬼即将会有事发生。

挂住周围望，忘记阿公的灵堂……乱咁中，不慎中错灵堂，抬头一望，灵堂正中一张大大的遗照，一个后生女约20岁，面容娟好，长发但苦笑，印象非常深刻。 我呆左。突然有人从后轻轻拍我肩膊，低沉咁话：「盲中中，唔好乱咁中，会好麻烦呷，细路！」我慢慢转头一望，原来系之前见过的堂观（佢负责阿公灵堂的主持），差D吓破胆。

佢一手很快捉着我，带我返回阿公灵堂。一路我个心感到不安，脑海思潮不断浮现出个女子的样。我系教徒，唯有祈祷求上主令我平安。不过事后我病左一场。