古早,有一个所在,
有一个人不止怠惰,
每日倒在眠床困,拢不爱起来,
尚连要食饭,嘴亦不爱震动,就如此续饿死.

一死去,阎罗王就召伊去,与伊讲:
"汝前世不止怠惰,
今要罚汝去出世做猫."

怠惰的就讲:
"却亦是无要紧,
总是求汝,汝着给我出世,全身躯
拢乌乌的,
孤孤鼻头留一点白就好."

阎罗王就问伊讲:
"彼是怎样,汝是爱出世如此?"

彼个怠惰的即讲:
"若给我出世如此,
我就不时避在彼暗暗的所在,
尚彼鸟鼠看见我的鼻头
一点白白,
伊不知,拿做叫是些米在得,
就能倚来要食,
彼时候,我嘴一下开,
就如此与伊吞落去,拢免费气了."