有一個夯枷的,
朋友有看見伊,即問伊:
"汝做甚麼歹事即能如此的?"

伊就講:
"我對街裡經過,
有看見在土腳,有一條草索,
我看做無路用的物,
就拾起來,提得就行,
續被罰到此款."

朋友就問彼講:
"干乾拾著彼款的草索而已,
怎樣變到此呢大事?"

夯枷的就講:
"恁不知影.
彼條索仔尾有縳少些物在得了."

朋友就更問伊:
"彼是甚貨呢?"

伊就講:
"有一隻細細仔隻的牛在得."