有一個懦性的人,買一雙新鞋,
遇著一個緊心性的人的時節,
緊心性的就問伊講:
"汝的此雙鞋,幾個錢與伊買的?"

彼個懦性的悠悠自在伸一腳,即應伊講:
"二元半了."

此個緊心性的聽見此句,就隨時
拿伊的奴才,愈打愈講:
"汝此個賊膽的,
我叫汝買的此雙鞋,
怎樣仔即五元銀?
像汝私暗頭家的錢,
如此實在是真可惡."

懦性的人對邊仔搔捋,即講:
"汝若要講甚麼話,著較聊仔是講,
無事無情,免彼呢怒氣嗎."

如此講了,又安閑自在,伸一腳,
就講:
"老兄,一腳猶原是二元半了."